साउन २४, दमक । नेपालका भुकम्प पिडितलाई सहयोग जुटाउने उद्धेश्यले आयोजीत ब्याट फर नेपाल अन्तर्गत नेपाल र बिश्व ११ बिचको टि–ट्वान्टी क्रिकेट खेलमा बिश्व ११ ले जित हात पारेको छ ।
मलेसियाको किनरारा ओभलमा भएको खेलमा बिश्व ११ ले नेपाललाई ३७ रनले पराजित गरेको हो । बिश्व ११ ले दिएको १ सय ३६ रनको लक्ष्य पछ्याएको नेपाल मात्र ९८ रनमा समेटियो ।
नेपालका लागि ओपनर अनिल मण्डल र राजु रिजालले सर्बाधिक समान १७ रनको योगदान गरेका थिए । त्यस्तै सिद्धान्त लोहनी र नरेस बुढाआयरले १३ रन जोडे । सरद भेस्वाकर र मेहवुव आलम समान ११ रनमा आउट भए । समोपाल कामी ७, कप्तान पारस खड्का र शक्ति गौचन समान २ रनमा आउट हुदा अभिनाश कर्ण १ रनमा अबिजित रहे ।
यसअघि टस जितेर पहिला ब्याटिङ थालेको बिश्व ११ ले १९ दशमलब ४ ओभरमा सबैबिकेट गुमाएर १ सय ३५ रन जोडेको हो । उसका लागि मार्कुस स्टोइनीसले सर्बाधिक ४८ रनको योगदान गरेका थिए ।
0 comments:
Speak up your mind
Tell us what you're thinking... !