चैत ७, काठमाडौं । टी—२० विश्वकप क्रिकेटमा भारतले पाकिस्तानलाई ६ विकेटले पराजित गरेको छ । इडन गार्डेनमा कमजोर खेल प्रदर्शन गरेको पाकिस्तानमाथि भारतले सहज जित हात पारेको हो ।
वर्षाका कारण २ ओभर घटाइएको खेलमा पाकिस्तानले भारतसामू ११९ रनको लक्ष्य प्रस्तुत गरेको थियो । जसलाई घरेलु टोलीले विराट कोहलीको अर्धशतकको मद्धतमा मात्र १५.५ ओभरमा ४ विकेट गुमाएर भेट्टायो ।
जवाफी ब्याटिङ गरेको भारतले पनि रम्रो सुरुवात गर्न सकेन । भारतले २३ रन जोड्दा ३ विकेट गुमाइसकेको थियो । तर, विराट कोहलीले युवराज सिंहसँग मिलेर पारी सम्हाले । दुबैले चौथो विकेटका लागि ६१ रनको साझेदारी गरे । युवराज २४ रन बनाएर क्याच आउट भए ।
कोहली ५५ रनमा अविजित रहे । ३७ बलको सामना गरेका उनले सात चौका र एक छक्का हाने । कप्तान महेन्द्र सिंह धोनीले ९ बलमा एक छक्कासहित १३ रनमा अबिजित रहे ।
यसअघि टस हारेर पहिला ब्याटिङको निम्तो पाएको पाकिस्ताानले १८ ओभरमा ५ विकेट गुमाएर ११८ रन बनाएको थियो ।
पाकिस्तानका ओपनर शरजील खान र अहमद शहजादले सम्हालिएर खेल्न सुरु गरे । कोलकत्ताको पिचले स्पिन लिन थाल्यो र ब्याट्सम्यानहरुलाई रन बनाउन मुस्किल भयो ।
सबैभन्दा पहिला आउट भए शरजील । १७ रनको निजी स्कोरमा सुरेश रैनाको बलमा हार्दिक पाण्डेयले उनको उत्कृष्ट क्याच लिए ।
शहजाद २५ रन बजनएर जसप्रति बुमराहको बलमा आउट भए । कप्तान शाहिद अफ्रिदी मात्र ८ रनमा आउट भए ।
शोएब मलिकले सर्वाधिक २६ रन बनाए भने उमर अकमलले २२ रनको पारी खेले ।
0 comments:
Speak up your mind
Tell us what you're thinking... !